Atyraýda 9-11-synyp oqýshylary sabaqty qashyqtan oqýdy jalǵastyrady
ATYRAÝ. QazAqparat – Atyraý oblysynyń mektepterinde 9-11 synyptardyń oqýshylary ІІІ toqsannyń sabaǵyn qashyqtan oqýdy jalǵastyrady, dep habarlaıdy QazAqparat.
Atyraý oblystyq sanıtarııalyq-epıdemıologııalyq baqylaý departamenti baspasóz qyzmetiniń málimetinshe, 9-11 synyptardyń oqýshylary úshin sabaqty oflaın ótkizý jóninde sheshim qabyldanbaǵan.
«Oblystyń bas memlekettik sanıtarııalyq dárigeriniń 2020 jylǵy 19 jeltoqsandaǵy №71 qaýlysyna sáıkes, oqýshylar sabaqty qashyqtan oqıdy. Bul óńirdegi epıdemıologııalyq jaǵdaıǵa baılanysty bolyp otyr», - dep habarlady departamenttiń baspasóz qyzmeti.
Eske sala ketelik, budan buryn Atyraý oblysynyń bas sanıtar dárigeriniń №71 qaýlysynda: «Atyraý oblysynyń aýmaǵynda epıdemıologııalyq jaǵdaı turaqtalǵanǵa deıin sharýashylyq jáne (nemese) ózge de qyzmetpen jáne halyqtyń tynys-tirshiliginiń erekshe jaǵdaılarymen shekteý sharalary engizilsin. Shekteý is-sharalarynyń rejımi men merzimderi oblys aýmaǵynda COVID-19 koronavırýstyq ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin», - delingen edi.
