Atyraýda 828 medıtsına qyzmetkerine 160,476 mln teńge ústemeaqy tólenedi
«Áleýmettik medıtsınalyq saqtandyrý qory» Atyraý oblysy boıynsha fılıalynyń dırektory Sábıt Quralbektiń málimetine súıensek, qyrkúıektiń qorytyndysymen 828 medıtsına qyzmetkerine 160,476 mln teńge kóleminde ústemaqy tóleý josparlanyp otyr.
«Atyraý oblysynda naýryz aıynda 857 medıtsına qyzmetkerine 66,1 mıllıon teńgege ústemaqy tólendi. Sáýirde 1080 medıtsına qyzmetkeri 158,1 mıllıon teńge, mamyrda 1429 medıtsına qyzmetkeri 255,35 mıllıon teńge, maýsymda 2019 medıtsına qyzmetkeri 390,59 teńge kóleminde ústemeaqy aldy. Al shildede 2475 medıtsına qyzmetkerine 796,1 mıllıon teńge, tamyzda 2205 medıtsına qyzmetkerine 476,0 mıllıon teńge ústemeaqy tólendi» -deıdi Sábıt Quralbek.
Onyń aıtýynsha, ústemaqy alatyn medıtsına qyzmetkerleriniń tizimin óńirlerdegi arnaıy komıssııa túzedi. Tizim daıyn bolǵannan keıin qor aı saıynǵy qosymsha tólemderdi tóleýge kirisedi. Qor bul jumysty 15 qazanǵa deıin aıaqtaýdy josparlap otyr.
Eske sala ketelik, buǵan deıin Atyraýda emhananyń esepshotynan 70 mln teńge urlanǵanyn habarlaǵan edik.
