Atyraýda 82 adam koronavırýs juqtyryp, 81 naýqas saýyǵyp shyqqan
ATYRAÝ. QazAqparat – Atyraý oblysynda 82 adam koronavırýs ınfektsııasyn juqtyryp, 81 patsıent saýyǵyp shyqqan, dep habarlaıdy QazAqparat.
Oblystyq sanıtarııalyq-epıdemıologııalyq baqylaý departamentiniń málimetine qaraǵanda, ótken táýlikte taǵy da qaýipti indetke shaldyqqandar sany kóbeıgen. Máselen, Atyraý qalasynda 26 adam, Jylyoı aýdanyndaǵy Teńiz kenishinde 54 jumysshy koronavırýs ınfektsııasyn juqtyrǵan. Al Qurmanǵazy aýdanynda – 1, Inder aýdanynda 1 adamnan qaýipti vırýs anyqtalǵan.
«Naýqastardyń arasynda 17 adamda koronavırýstyń sımptomdy túri baıqaldy. Ótken táýlikte koronavırýs ınfektsııasynan 81 adam emdelip shyqty. Qazir 232 adam úı jaǵdaıynda emdelýde. Oblystyq ınfektsııalyq statsıonarda 8, modýldik statsıonarda 109, al aýdandardaǵy statsıonarlarda 18 adam em qabyldap jatyr. Teńiz kenishindegi ınfektsııalyq statsıonarda 266 patsıent oqshaýlandy» -dep habarlady departamenttiń baspasóz qyzmetinen.
Eske sala ketelik, buǵan deıin Atyraýda bir táýlikte 65 adam koronavırýs juqtyrǵanyn jazǵan edik.
