Atyraýda 8 jastaǵy qyz koronavırýstan jazyldy
ATYRAÝ. QazAqparat –Atyraýda 8 jastaǵy qyz koronavırýstan emdelip shyqty, dep habarlaıdy QazAqparat.
Tótenshe jaǵdaı rejımin qamtamasyz etý jónindegi óńirlik jedel shtabtyń habarlaýynsha, búgin 6 adam koronavırýs ınfektsııasynan jazylyp shyqqan. Onyń arasynda 8 jastaǵy qyz bar.
«Teńiz kenishiniń 23, 24, 26, 29 jáne 61 jastaǵy 5 jumysshysy koronavırýs ınfektsııasynan jazyldy. Al, 6- patsıent –Mahambet aýdanynda turatyn 8 jastaǵy qyz. Qazir olar ózderin jaqsy sezinedi. Olardan alynǵan baqylaý testti teris nátıje kórsetti» -dep habarlady óńirlik jedel shtab.
Búgin, 18 mamyrda Atyraýda qaýipti indetten jazylǵan patsıentter sany 171-ge jetti.
Eske sala ketelik, buǵan deıin Atyraýda bir táýlikte 86 adamnan koronavırýs tabylǵanyn jazǵan edik.
