Atyraýda 8 jasar balany buralqy ıt talap tastady
Oqıǵa keshe, 15 aqpanda jergilikti ýaqytpen saǵan 19:00 shamasynda bolǵan.
Bul derekti Atyraý oblystyq densaýlyq basqarmasynyń baspasóz qyzmeti rastady.
«Kýágerlerdiń aıtýynsha, keshe keshte 2015 jylǵy týǵan balany buralqy ıt talaǵan. Bala travmatıkalyq kúızeliske túsken. Balanyń basy men aıaǵynda jaraqaty bar. Ol oblystyq balalar aýrýhanasynyń travmatologııa bólimine jetkizildi. Dárigerler oǵan jansaqtaý jáne qarqyndy terapııa bóliminde ota jasady. Qazir naýqas atalǵan bólimde em-dom sharalaryn alyp jatyr. Dárigerlerler naýqastyń densaýlyǵyn baqylýda ustap otyr», - dep habarlady basqarmanyń baspasóz qyzmeti.
Eske sala ketelik, buǵan deıin Atyraýda qańǵybas ıt talaǵan 5 jasar qyz aýrýhanaǵa
jetkizilgenin habarlaǵan bolatynbyz.
Atyraý qalasynyń turǵyny Ásem Baıjannyń aıtýynsha, byltyr qańǵybas ıt onyń balalaryna da, ózine de birneshe ret shabýyl jasaǵan.
«Qabaǵan ıt byltyr meni talamaq boldy. Osyǵan baılanysty zootehnıkterdiń ártúrli toptaryna jazba qaldyrdym. Olar meniń ózimdi kináli etti. 2022 jyldyń 7 mamyrynda Azattyq kóshesinde buralqy ıt bes jasar jıenim Safııany qaýyp aldy», -dep jazdy ol Facebook-tegi paraqshasynda.
Oblystyq balalar aýrýhanasyna jetkizilgen. Buralqy ıt balanyń sol jaq betin, ernin birneshe ret tistegen. Aýrýhanada balanyń betindegi jaraqaty tigildi.