Atyraýda 8 kúnde 833 adam vaktsına aldy
ATYRAÝ. QazAqparat – Atyraýda 8 kúnde 833 adam vaktsına aldy, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmetinen málim etkendeı, «Spýtnık V» vaktsınasyn saldyrǵandar qatary kóbeıgen. Qazir koronavırýs ınfektsııasyna qarsy ekpe arnaıy ashylǵan 24 orynda salynyp jatyr.
«Atyraý oblysynda 1-8 aqpan aralyǵynda vaktsına alǵandar 833 adamǵa jetti. Onyń ishinde 794 medıtsına qyzmetkeri bar. Sondaı-aq, 7 aýdannan densaýlyq salasynyń 237 qyzmetkeri erikti túrde vaktsına saldyrdy. Al oblystyq sanıtarııalyq -epıdemıologııalyq qadaǵalaý departamentiniń 30 mamany men 9 memlekettik qyzmetker de indetke qarsy ekpe aldy. Eriktilerge vaktsına salý jalǵasyp jatyr», - dedi basqarma basshysynyń orynbasary Qaısar Abdalıev.
Onyń aıtýynsha, vaktsına saldyrǵannan keıin aýrýhanaǵa túsken jaǵdaı tirkelmegen. Ekpe alǵandarda janama áser baıqalmaǵan.
