Atyraýda 8 aıda jol apatynan 39 adam mert boldy
ATYRAÝ. QazAqparat –Atyraý oblysynda 8 aıda jol apatynan 39 adam mert boldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetine súıensek, jyl basynan bergi 8 aıda 159 jol-kólik apaty bolǵan. Sonyń saldarynan 199 adam jaraqat alyp, 39 adam kóz jumǵan.
«Júrgizýshilerdiń kólik jyldamdyǵyn arttyrýyn, jol-kólik oqıǵalarynyń sanyn azaıtý, sondaı-aq jol qozǵalysy erejelerin buzýdyń aldyn alý maqsatynda «Qaýipsiz jol» profılaktıkalyq is-sharasy ótkizilýde. Onyń maqsaty –jol qozǵalysy erejelerin óreskel buzýshylyqtardy anyqtaý, sonyń ishinde mas kúıinde kólik quralyn basqarý, jyldamdyq rejımin arttyrý, basyp ozý, joldyń qarsy betine shyǵyp ketý sııaqty quqyq buzýshylyqtardyń aldyn alý. Aldyn alý sharalaryn ótkizýdiń nátıjesinde byltyrǵy osy kezeńmen salystyrǵanda oblysta jol-kólik oqıǵalarynyń sany 15,4%-ǵa (188-den 159-ǵa deıin), jaralanǵandardyń sany 23,5%-ǵa (260-tan 199-ǵa deıin), al qaza bolǵandardyń sany 4,9%-ǵa (41-den 39-ǵa deıin) azaıdy» -dep habarlady departamenttiń baspasóz qyzmeti.
Eske sala ketelik, budan buryn Atyraýda nómirsiz júrgen 200-ge jýyq kólik anyqtalǵanyn jazyp edik.
