Atyraýda 8 áleýmettik nysan qurylysynda múgedekterdiń jaǵdaıy eskerilmegen

ATYRAÝ. QazAqparat –Atyraýda qurylysy josparlanǵan áleýmettik nysandardyń pandýsy talapqa saı emes bolyp shyqty, dep habarlaıdy QazAqparat.

Atyraý oblystyq prokýratýrasy baspasóz qyzmetiniń habarlaýynsha, 8 áleýmettik nysannyń qurylysyn múmkindigi shekteýli tulǵalarǵa qolaıly jaǵdaı jasalmaı, josparlaý faktisi anyqtalǵan. Máselen, «Órleý» balabaqshasynyń jobalyq-smetalyq qujattamasynda pandýstyń uzyndyǵy 7,4 metr, al, bıiktigi 0,9 metr bolatyny kózdelgen. Alaıda, zańǵa sáıkes kórsetilgen bıiktikte pandýstyń uzyndyǵy 10,8 metrden kem bolmaýy tıis.

«Qabyldanǵan prokýrorlyq sharalarmen 8 nysannyń jobalyq-smetalyq qujattamasy zańǵa sáıkestendirilip, múmkindigi shekteýli tulǵalardyń quqyǵy qorǵaldy», dep habarlady Atyraý oblysynyń prokýratýrasynyń baspasóz qyzmeti.