Atyraýda 8 adam ata-ana quqyǵynan aıyrylýy múmkin
Oblys ákiminiń orynbasary Jasulan Bısembıevtyń tóraǵalyǵymen ótken komıssııa otyrysynda kámeletke tolmaǵandardyń quqyǵyn qorǵaý máselesi qaraldy. Onda Atyraý qalasynda jasóspirimder máselesi talqylandy.
«Byltyr komıssııa otyrysynda ıývenaldy polıtsııa bólimi men bilim berý mekemeleriniń usynystary boıynsha 116 is qaraldy. Al, komıssııanyń bıylǵy 8 otyrysynda 47 jasóspirimge qatysty iske taldaý jasaldy. Onyń ishinde kámeletke tolmaǵan 3 oqýshy uzaq ýaqyt boıy sabaqqa barmaǵany anyqtaldy. Komıssııa oqýdan jaltarǵan jasóspirimderdi arnaýly mektepke ornalastyrýǵa baılanysty tıisti qaýlysy shyǵardy. Balalarynyń tárbıesi men bilim alýyna baılanysty ata-analyq mindetterin oryndamaǵany úshin 8 adamdy ata-ana quqyǵynan aıyrý týraly qaýly shyǵyp, sotqa jiberildi. Tórt jasóspirimge tártibin túzeý úshin synaq merzimi berildi. Úsh ata-ana oblystyq narkologııalyq dıspanserge 30 kún em qabyldaýǵa jatqyzyldy», -dep habarlady Atyraý qalasy ákiminiń orynbasary Nurjan Ermuhanov.
Onyń aıtýynsha, jaısyz otbasynda tárbıelenip, polıtsııa esebine alynǵan balalar qoǵamdyq tártipti buzýǵa, qylmys jasaýǵa beıim bolǵany anyqtalǵan. Byltyr jaısyz otbasy esebine alynǵandar sany – 94. Bıyl bul esepte 75 otbasy tur.
«Kámeletke tolmaǵandar máselesi jáne olardyń quqyǵyn qorǵaý jónindegi komıssııa músheleri polıtsııa qymetkerlerimen birge aıyna eki ret jaısyz otbasylardyń turǵylyqty mekenjjaıyna tekserý júrgizedi. Eń bastysy, kámeletke tolmaǵan jasóspirimderdiń quqyǵyn buzbaý máselesine nazar aýdarylyp otyr», -dep málim etti Nurjan Ermuhanov.
Eske sala ketelik, Atyraý oblysy mektepterinde sabaqaralyq úzilis uzaqtyǵy negizsiz qysqarǵanyn jazǵan edik.
