Atyraýda 76 jastaǵy zeınetkerge shabýyl jasaǵan kúdikti ustaldy
Oblystyq polıtsııa departamenti baspasóz qyzmetiniń málimetine súıensek, áleýmettik jelide 76 jastaǵy jalǵyzbasty zeınetkerge qaraqshylyq shabýyl jasalǵany týraly aqparat taraǵan.
«Mahambet aýdanynyń turǵyny 14 naýryzda saǵat 08:00 shamasynda 1945 jyly týǵan azamatshanyń úıine zańsyz kirip, úshkir zatpen qorqytqan. Ár túrli kýpıýradaǵy 14 myń teńgeni, altyn buıymdaryn alyp ketken. Jábirlenýshige keltirilgen zalal kólemi – 114 myń teńge. Polıtsııa qyzmetkerleri jedel izdestirý is-sharasyn júrgizip, osy qylmysqa kúdikti 31 jastaǵy azamatty ustady», - dep habarlady departamenttiń baspasóz qyzmetinen.
Qazir kúdiktige qatysty QR Qylmystyq kodeksiniń 192-baby 3-bóligimen sotqa deıingi tergeý júrgizilýde. Kúdikti ýaqytsha ustaý ızolıatoryna qamaldy.
Eske sala ketelik, budan buryn Atyraý oblysynda 15 páterdi tonaǵan kúdiktiler ustalǵan edi.