Atyraýda 750-den astam vıdeobaqylaý kamerasy iske qosyldy
ATYRAÝ. QazAqparat - Atyraýda 758 vıdeobaqylaý kamerasy iske qosyldy, dep habarlaıdy QazAqparat tilshisi.
«Kameralardyń barlyǵy Atyraý qalasy ІІD jedel basqarý ortalyǵyna qosylǵan. Olar tek kóshelerdi ǵana baqylap otyrǵan joq, baqtarǵa, saıabaqtarǵa, qarańǵy tuıyq kóshelerge, kóppáterli turǵyn úılerdiń aýlalaryna da ornatyldy», - deıdi óńirlik ІІD baspasóz qyzmetiniń ókilderi.
Vedomstvonyń habaryna qaraǵanda, oblys ortalyǵyndaǵy eń qyzý 11 qıylysqa fototirkeýishter qoıylǵan. Olar avtokólik quralynyń jyldamdyǵyn, júrgizýshiler men jolaýshylar qaýipsizdik beldigin taqqan-taqpaǵanyn avtomatty túrde anyqtap otyrady.
