Atyraýda 72 otbasy jańa páterdiń kiltin aldy

ATYRAÝ. QazAqparat –Búgin Atyraý qalasynda 72 páterlik turǵyn úı paıdalanýǵa berilip, osynsha otbasy jańa baspanaǵa kóshti, dep habarlaıdy QazAqparat.

«Bul – bıyl Atyraý qalasynyń irgesindegi Bereke shaǵyn aýdanynda «Nurly jer» baǵdarlamasymen paıdalanýǵa berilgen tórtinshi úı. Jańa páterler jalǵa beriledi. Baspanaǵa kezekte turǵan kópbalaly, turmysy tómen otbasylar men ata-ana qamqorlyǵynsyz qalǵan jastar ıe boldy», - deıdi turǵyndar qýanyshyn bólisken Atyraý qalalyq turǵyn úı-kommýnaldyq sharýashylyǵy, jolaýshylar kóligi jáne avtokólik joldary bóliminiń sektor meńgerýshisi Rafhat Joldıev.

Jańa páter kiltine ıe bolǵandardyń biri - Janar Esenııazova. Ol 2013 jyldan beri kezekte tur. Buǵan deıin páter jaldap kelipti.

«Endi qıyndyqtyń bári artta qaldy. Páter jaldaýǵa qarjymyz jetpeı, qınalýshy edik. Birneshe ret jaldamaly páter aýystyrdyq. Endi ózimizdiń baspanamyz bar. Ásirese, balalarymnyń qýanyshynda shek joq», - deıdi Janar Esenııazova.