Atyraýda 71 jastaǵy zeınetkerdi tonaǵan kúdikti qamaýǵa alyndy
Oblystyq polıtsııa departamenti baspasóz qyzmetiniń málimetinshe, keshe, 28 shildede saǵat 12:00 shamasynda 71 jastaǵy zeınetkerdi tonap ketken.
«Belgisiz er adam zeınetkerdi jerge qulatyp, telefonyn tartyp alǵan. Sóıtip, oqıǵa ornynan boı tasalap, qashyp ketken. Tártip saqshylary jedel izdestirý is-sharasyn júrgizip, kúdikti azamatty ustady. Kúdikti Atyraý qalasynyń 29 jastaǵy turǵyny bolyp shyqty» -dep habarlady departamenttiń baspasóz qyzmeti.
Qazir zeınetkerdi tonaǵan kúdiktige qatysty QR Qylmystyq Kodeksiniń 191-babynyń 1-bóligimen sotqa deıingi tergeý bastaldy. Kúdiktiden aıǵaq zat tárkilenip, ýaqytsha ustaý ızolıatoryna qamaýǵa alyndy.
Eske sala ketelik, buǵan deıin Atyraýda velosıped urlaǵan kúdiktige qatysty 11 qylmystyq is tirkelgenin jazǵan edik.