Atyraýda 71 jastaǵy zeınetkerdi tonaǵan eki kúdikti ustaldy
ATYRAÝ. QazAqparat – Atyraý qalasynda 71 jastaǵy zeınetkerdi tonaǵan ekeý ustaldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, tonaý oqıǵasy tapa-tal túste qaladaǵy «Turǵyndar qalashyǵy» shaǵyn aýdanynda bolǵan. Turǵyn úıdiń birindegi páterdiń esigin ashqan 71 jastaǵy zeınetkerge kúsh kórsetken ekeý aqsha, uıaly jáne radıo telefonyn, altyn alqasy men syrǵasyn alyp, oqıǵa ornynan qashyp ketken.
«Atalǵan qylmysty jedel ashý maqsatynda tájirıbeli qyzmetkerlerden arnaıy jedel top quryldy. Іzdestirý kezinde kúdikti eki azamat anyqtalyp, ustaldy», -dep habarlady oblystyq polıtsııa departamenti bastyǵynyń orynbasary, polıtsııa polkovnıgi Nurhat Orazbaev.
Tekserý kezinde 71 jastaǵy azamatshaǵa 479 000 teńge zalal kelgeni, sonymen qatar, kúdiktilerdiń bireýi buryn urlyq jasaǵany úshin sottalǵany anyqtaldy. Qazir kúdiktilerge qatysty QR Qylmystyq Kodeksiniń 191-baby, 3-bólimimen sotqa deıingi tergeý júrgizilip jatyr.
Eske sala ketelik, buǵan deıin Atyraýda áıelden 150 myń teńge bopsalaǵan turǵyn ustalǵan bolatyn.
