Atyraýda 700-ge jýyq medıtsına qyzmetkeri vaktsına aldy
ATYRAÝ. QazAqparat – Atyraý oblysynda aqpannyń 1-4 aralyǵynda 680 medıtsına qyzmetkeri koronavırýs ınfektsııasyna qarsy vaktsına aldy. Bul týraly QazAqparat oblystyq densaýlyq saqtaý basqarmasynyń baspasóz qyzmetine silteme jasap habarlaıdy.
Óńirde koronavırýs indetine qarsy 24 ekpe egý núktesi ashylǵan. Sonymen qatar, vaktsınalarǵa arnalǵan arnaıy muzdatqysh kameralary ornatylǵan. Búginde vaktsına alǵan medıtsına qyzmetkerleriniń densaýlyǵy jaqsy.
«Ekpeden keıin aýrýhanaǵa túsken jaǵdaılar tirkelmedi. Vaktsına eń aldymen ınfektsııa juqtyrý qaýpi bar sanalatyn medıtsına mamandaryna salynýda. ıAǵnı juqpaly aýrýlar aýrýhanalary men jansaqtaý bólimi, qarqyndy terapııa bólimsheleriniń dárigerleri, jedel járdem qyzmetkerleri men emhanalardaǵy mamandar. Ekpe qabyldaǵan adamdar úsh kún boıy dárigerdiń baqylaýynda bolady», - dedi oblystyq densaýlyq saqtaý basqarmasy basshysynyń orynbasary Qaısar Abdalıev.
