Atyraýda 70 jastaǵy júrgizýshi qaqqan ózbekstandyq azamat ajal qushty
ATYRAÝ. QazAqparat - Atyraýda jeksenbi kúni tańerteń jol-kólik apaty bolyp, sonyń saldarynan 56 jastaǵy Ózbekstan azamaty kóz jumdy, dep habarlaıdy «QazAqparat» HAA tilshisi.
«Atyraý-Dossor tasjolynyń boıynda «Konteınerlik» shaǵynaýdanynda jol-kólik oqıǵasy boldy. «Gazel» kóligin tizgindegen 70 jastaǵy Geolog kentiniń turǵyny jaıaý júrginshini qaǵyp ketti. Qazirgi tańda saraptama taǵaıyndalyp, QK 345-baby 3-bólimi «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha sotqa deıingi tergeý jumystary bastaldy», - dep habarlady Atyraý oblystyq ІІD baspasóz qyzmeti.
