Atyraýda 70 kólik júrgizýshisi 1 mln 743 myń teńgeniń aıyppulyn tólemegen
ATYRAÝ. QazAqparat – Atyraýda 70 kólik júrgizýshisi 1 mln 743 myń teńgeniń aıyppulyn tólemegen, dep habarlaıdy QazAqparat.
Atyraý qalalyq polıtsııa basqarmasy jedel basqarý ortalyǵynyń qyzmetkerleri «Іnterceptor» izdeý júıesi arqyly aıyppulyn tólemeı júrgen 70 kólik júrgizýshisin
anyqtaǵan.
«Ustalǵan kólik júrgizýshileriniń tólenbegen aıyppuly 1 mln 743 myń teńgeni qurap otyr. Onyń ishinde 52 kólik Reseı Federatsııasynda tirkelgen. Armenııa Respýblıkasynda tirkeýde turǵan 9 kólik bar. Al, bir kólik Qyrǵyz Respýblıkasynyń esebine alynǵan.
Atyraý qalasyndaǵy M.Baımuhanov kóshesinde toqtatylǵan «Audi A4» markaly avtokóliginiń júrgizýshisinde tólenbegen 8 aıyppuly bary anyqtaldy. Onyń mólsheri – 119 myń 170 teńge. Aıyppuly tólenbegen 70 kólik arnaıy aıyp turaǵyna qoıyldy», - dep habarlady departamenttiń baspasóz qyzmeti.
Eske sala ketelik, buǵan deıin Atyraýda 14 jastaǵy jasóspirim qyzdy kólik qaǵyp ketken bolatyn.
