Atyraýda 7 turǵyn úı jylýsyz qaldy
ATYRAÝ. QazAqparat – Atyraý qalasynda kópqabatty turǵyn úılerdiń jylý qubyry jaryldy, dep habarlaıdy QazAqparat.
Atyraý qalalyq ákimdigi baspasóz qyzmetiniń málimetinshe, Nursaıa-2 shaǵyn aýdanynda jylý qubyry jarylyp, ystyq sý aǵyp ketken. Sol sebepti 7 úıge jylý berý ajyratylǵan.
«Qazir jylý jelisindegi aqaýdy qalpyna keltirý jumystary júrgizilýde. Oǵan 4 vakýým, 1 manıpýlıator tartyldy. Sýdy sorý eki vakýýmmen júzege asyrylady. Qalpyna keltirý jumystary 3 saǵatta aıaqtalady» dep habarlady ákimdiktiń baspasóz qyzmeti.
