Atyraýda 7 myńnan astam adamǵa ataýly áleýmettik kómek taǵaıyndaldy
Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Azamat mámbetovtiń málimetinshe, 1 110 otbasyndaǵy 6 287 adamǵa shartty aqshalaı kómek, 239 otbasynyń 1 048 adamyna shartsyz aqshalaı kómek taǵaıyndaý uıǵarylǵan.
«Ataýly áleýmettik kómektiń shartty aqshalaı kómek túrin alýshylardyń ishinde eńbekke qabilettileriniń sany 2 051 adamdy quraıdy. Onyń ishinde 103 táýelsiz qyzmetker, júginý kezinde jumysy bary – 1 034, jumyspen qamtý ortalyǵynda jumyssyz retinde tirkelgender – 290, bala kútimindegiler – 624. Jumyssyz retinde tirkelgen 290 adamnyń 85,9 paıyzy jumyspen qamtý sharalaryna tartyldy. Atap aıtqanda, 24 adam turaqty jumysqa, 213-i qoǵamdyq jumysqa, 4-eýi kásibı qaıta daıarlaý kýrsyna jiberildi» -deıdi Azamat Mámbetov.
Eske sala ketelik, budan buryn Atyraý oblysynda 7060 adamǵa áleýmettik kómek taǵaıyndalǵan bolatyn.
