Atyraýda 600-den astam dáriger koronavırýs juqtyrǵandardy emdep jatyr
ATYRAÝ. QazAqparat –Atyraý oblysynda koronavırýs ınfektsııasyna qarsy kúreske 600-den astam dáriger jumyldy, dep habarlaıdy QazAqparat.
Óńirlik kommýnıkatsııa qyzmetiniń habarlaýynsha, qazir medıtsına qyzmetkerleri úsh statsıonarda jumys isteýde. Sonyń ishinde ınfektsııalyq statsıonarda naýqastardy emdeýge 38 dáriger, 60 orta, 60 kishi medıtsına qyzmetkeri tartylǵan. Al, provızorlyq statsıonarda 40 dáriger, 76 orta jáne 76 kishi medıtsına qyzmetkeri jumys isteýde. Sondaı-aq, karantındik statsıonarda 54 dáriger men 216 orta jáne kishi medqyzmetker bar.
«Qajettilik týyndaǵan jaǵdaıda rezervke arnaıy dárigerler men medqyzmetkerler alynǵan. Máselen, ınfektsııalyq statsıonar úshin 3 dáriger, 12 orta jáne kishi, provızorlyq statsıonarǵa –2 dáriger, 16 orta jáne kishi, karantındik statsıonarda jumys isteýge 6 dáriger men 22 orta jáne kishi medqyzmetker daıyn otyr.
