Atyraýda 60 jastaǵy er adam sýǵa aǵyp ketti
ATYRAÝ. QazAqpart –Atyraý oblysynyń Jylyoı aýdanynda 3 jasar bala 4-qabattaǵy terezeden qulap, 60 jastaǵy er adam sýǵa ketken, dep habarlaıdy QazAqparat.
Bul oqıǵalar Jylyoı aýdanynda bolǵan. Aýdandyq tótenshe jaǵdaı bóliminiń habarlaýynsha, Qulsary qalasynyń 1-shaǵyn aýdanyndaǵy kópqabatty úıdiń 4-qabatynda ornalasqan páter terezesinen 3 jasar bala qulaǵan. Aýyr haldegi balaqaı aýdandyq aýrýhananyń hırýrgııa bólimine jatqyzylǵan.
«Ata-analardyń qaraýynsyz qalǵan balalardyń terezeden qulaý oqıǵalary kóp kezdesedi. Óıtkeni, oıyn balasy ár nársege áýestenip, tynymsyz qozǵalysqa túsedi. Sol sebepten, kishkentaı balalardyń qozǵalysyn nazar ustaý kerek» -dedi aýdandyq tótenshe jaǵdaı jónindegi bólimnen.
Osy aýdanda taǵy bir oqys oqıǵa oryn alǵan. Qosshaǵyl aýylynyń 60 jastaǵy turǵyny Jem ózenine batyp ketken. Onyń múrdesin sol mańda júrgen adamdar sýdan alyp shyqqan.
