Atyraýda 60 adamdy jumysqa ornalastyrýǵa ýáde bergen alaıaq ustaldy
ATYRAÝ. QazAqparat – Atyraýda 60 adamdy jumysqa ornalastyrýǵa ýáde bergen alaıaq ustaldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, Atyraýda Qyzylorda oblysynyń turǵyny «Teńiz kenishine jumysqa ornalastyramyn» dep 60-qa jýyq adamnyń aqshasyn alǵan.
«Jumys izdep, qaltasy qaǵylǵan turǵyndar alǵashqyda jalǵan kelisimshart jasaǵanyn bilmeıdi. Sebebi, alaıaqtyq qylmys egjeı-tegjeı uıymdastyrylǵan. Onyń dáleli jasalǵan tólemderge berilgen túbirtekter. 39 jastaǵy alaıaq azamattardyń 50 mıllıonnan astam teńgesin qaltasyna basqan. Aldanǵandardyń arasynda atyraýlyqtardan bólek Qyzylorda, Túrkistan, Aqtóbe oblystarynyń turǵyndaryndary da bar», - dedi oblystyq polıtsııa departamentiniń bastyǵy, polıtsııa polkovnıgi Qamza Úmbetqalıev.
Onyń aıtýynsha, kúdikti bastapqyda «Talapker & Company» JShS-i arqyly jumys izdep kelgen azamattarǵa laıyqty keńse izdegen. Sóıtip, Qulsary qalasynyń Ortalyq yqsham aýdanynan keńseni jalǵa alǵan. Osylaısha, óziniń qylmystyq pıǵylyn júzege asyrý úshin birneshe qyzmetkerdi eshqandaı kelisimshartsyz jumysqa alyp, olarǵa qolma-qol jalaqy tólep otyrǵan.
«Azamattarmen tikeleı qarym-qatynas ornatý úshin 47 jáne 29 jastaǵy eki tanysyn paıdalanǵan. Kelisimshart úlgilerin kórsetip, ekeýine ár tapqan adamy úshin aqsha beretine sendiredi. Jumysqa ornalasý aqysy 150 000-450 000 teńge aralyǵyn quraǵan. «Talapker & Company» JShS-niń atqarýshy basshysy alaıaqtyq áreketi úshin sot úkimimen 3 jyl 6 aı merzimge bas bostandyǵynan aıyryldy» -dep deıdi Qamza Úmbetqalıev.
Eske sala ketelik, budan buryn Atyraýda qala turǵynynyń 2 mln teńgesin aldap alǵan alaıaq ustalǵanyn habarlap edik.
