Atyraýda 6 jasar qyz dárethana shuńqyryna qulap qaıtys bolǵan
ATYRAÝ. QazAqparat –Atyraý qalasynda 6 jasar qyz jeke úıdiń dárethana shuńqyryna qulap qaıtys bolǵan, dep habarlaıdy QazAqparat.
Tótenshe jaǵdaılar departamenti baspasóz qyzmetiniń habarlaýynsha, oqys oqıǵa búgin, 13 maýsymda qaladaǵy «Qara depo» shaǵynaýdanynda bolǵan. Jergilikti ýaqytpen saǵat 19:50 shamasynda 6 jasar qyz úıinen oınaýǵa shyǵyp ketken. Alaıda, ony týystary taba almaı qalǵan.
«Іzdestirý barysynda 6 jasar qyzdyń jeke úıdiń aýlasyndaǵy dárethananyń shuńqyryna túsip ketkeni anyqtaldy. Shuńqyrdyń tereńdigi – 2 metr. Balanyń óli denesi dárethana shuńqyrynan keshki saǵat 21:50-de shyǵaryldy», dep habarlady departamenttiń baspasóz qyzmeti.
