Atyraýda 6 toǵyz qabatty úıge jańa lıftiler ornatyldy
ATYRAÝ. QazAqparat - Atyraýdaǵy kópqabatty úıler termojóndeý baǵdarlamasymen jóndeledi. Belgilengen 24 úıdiń tórteýinde jóndeý jumystary bastalyp ketti, dep habarlaıdy QazAqparat.
Atyraý qalalyq ákimdiktiń baspasóz qyzmetiniń habarlaýynsha, Atyraýda turǵyn úılerdi termojóndeýden ótkizýdiń memlekettik baǵdarlamasyn júzege asyrý jumystary óziniń zańdy jalǵasyn taýyp keledi. Aǵymdaǵy jyly qalalyq bılik jóndeýden kópqabatty úılerdiń rekordtyq sanyn ótkizýdi josparlap otyr. Búginde Avangard - 2/22, Avangard - 3/9, Avangard -3/36 jáne Azattyq dańǵyly, 99a meken-jaıy boıynsha ornalasqan tórt úıdiń jóndeý jumystary júrgizilýde.
«Budan basqa, termojóndeý baǵdarlamasyna enetin úılerdiń tizimine taǵy da 20 úı engizildi. Barlyq jóndeý-qalpyna keltirý jumystary kópqabatty úıler turǵyndarynyń qaıtarylymdy qarajaty esebinen júrgiziledi. Úılerdiń kúrdeli jóndelýin 2020 jyldyń sońyna taman aıaqtaý kózdelýde. Osy merzimge qaraı turǵyn úılerdiń termojóndelýine qatysty memlekettik baǵdarlamasynyń da támamdalatyn kezeńi», - deıdi «Turǵyn úılerge kommýnaldyq qyzmet kórsetý» JShS dırektory Oryntaı Qýatbaev.
Aıta aıtý kerek, 2011-2020 jyldarǵa arnalǵan atalmysh memlekettik baǵdarlamasyn júzege asyrý sharalary bastalǵannan beri Atyraýda 123 turǵyn páter jóndeldi. Onyń ústine, 6toǵyz qabatty úıge jańa lıftter ornatyldy.
