Atyraýda 6 kúnde Armenııadan ákelingen 160-tan astam kólik tirkeldi
ATYRAÝ. QazAqparat – Atyraýda 6 kúnde Armenııadan ákelingen 160-tan astam kólik tirkeldi, dep habarlaıdy QazAqparat.
Oblystyq polıtsııa departamenti ákimshilik polıtsııa basqarmasynyń bastyǵy, polıtsııa polkovnıgi Myrzaly Óteǵalıevtyń málimetinshe, Atyraý óńiriniń turǵyndary Armenııadan 7000-ǵa jýyq kólik ákelgen.
«Maýsymnyń 1-inen beri Atyraý oblysynyń turǵyndary armenııalyq nómiri bar 160-tan astam kólikti tirkeýden ótkizdi. Kólikterin tirkeýge qoıǵan ıeleri sary nómir aldy.
Óıtkeni, bul kólikter Armenııanyń ýákiletti organdarynda esepte tur. Sol sebepten, ózge memlekette turaqty tirkelgen mundaı kólik quraldaryna sary tústi nómir berilip jatyr»,
-deıdi Myrzaly Óteǵalıev.
Onyń aıtýynsha, polıtsııa departamentimen Mamandandyrylǵan halyqqa qyzmet kórsetý
ortalyǵynda ashylǵan Call ortalyǵyna 300-ge jýyq turǵyn kelip, ózderin mazalaǵan saýaldaryna keńes alǵan. Al, Armenııadan ákelingen kólikterdi kúndelikti tirkeýge bolady.
