Atyraýda 6 adam karantınde jatyr
ATYRAÝ. QazAqparat –Atyraý oblysynda 6 adam karantınde jatyr, dep habarlaıdy QazAqparat.
Bul týraly búgin Atyraý oblystyq densaýlyq saqtaý basqarmasynyń basshysy Baıtolla Ǵazızov málim etti.
«Atyraýda koronavırýs ınfektsııasynyń kúdigimen 6 adam 1A sanatymen karantınde jatyr. Olarǵa provızorlyq statsıonarda 14 kún medıtsınalyq baqylaý júrgiziledi. Sonymen birge, №2 oblystyq aýrýhanada úsh adam dáriger baqylaýyna alyndy. Olar – Almaty, Nur-Sultan qalalarynda koronavırýs juqtyrǵan naýqastarmen qarym-qatynasta bolǵan azamattar» - dedi oblystyq densaýlyq saqtaý basqarmasynyń basshysy Baıtolla Ǵazızov.
Sondaı-aq, onyń aıtýynsha, Reseıdegi Samara qalasynan kelgen azamat JRVI belgisimen Inder aýdanyndaǵy aýrýahanaǵa jatqyzyldy. Al, jýyrda AQSh-qa sporttyq jarysqa baryp kelgen paravoleıbol komandasynyń músheleri 24 kún turǵylyqty jerinde medıtsınalyq baqylaýǵa alyndy.
