Atyraýda 580 myń teńgeniń altyn áshekeıin urlaǵan kúdikti ustaldy
Oblystyq polıtsııa departamenti baspasóz qyzmetiniń aqparatyna qaraǵanda, urlyq týraly derek 9 qarashada tirkelgen.
«Atyraý qalalyq polıtsııa basqarmasynyń kezekshi bólimine jergilikti turǵyn aryzdanyp, kúndizgi mezgilde úıinen altyn buıymdary urlanǵanyn habarlady. Osy derekke baılanysty №1 qalalyq polıtsııa bólimi krımınaldyq polıtsııa bólimshesiniń qyzmetkerleri jedel izdestirý is-sharasyna kiristi. Nátıjesinde atalǵan qylmysty jasady degen kúdikke ilingen 1984 jylǵy jergilikti turǵyn anyqtalyp, ustaldy. Tergeý kúdikti ıesiniń joqtyǵyn paıdalanyp, úıge tereze arqyly kirgen. Jatyn bólmedegi shkaftan altyn men gaýhar tasy bar buıymdardy urlap, jábirlenýshige 580 myń teńge zalal keltirgeni anyqtaldy. Úı urysy urlaǵan altyn buıymdardy Atyraý qalasyndaǵy lombardtardyń birine ótkizip jibergen» -dep habarlady departamenttiń baspasóz qyzmeti.
Qazir ustalǵan kúdiktige qatysty QR Qylmystyq kodeksiniń 188-babynyń 3-bóligimen tergeý júrgizilip jatyr.
Eske sala ketelik, budan buryn Atyraýda jolaýshylar kóligin aıdap áketkenin jazǵan bolatynbyz.