Atyraýda 520 ınfektsııalyq kereýet daıyndaldy
ATYRAÝ. QazAqparat – Atyraý oblysynda koronavırýs ınfektsııasyn juqtyrǵandardy emdeý úshin 520 kereýet daıyndaldy, dep habarlaıdy QazAqparat.
Oblystyq densaýlyq saqtaý basqarmasy basshysynyń ýaqytsha mindetin atqarýshy Ashan Baıdýálıevtiń aıtýynsha, óńirde koronavırýs ınfektsııasy boıynsha jaǵdaı turaqty deńgeıde saqtalýda. Alaıda, soǵan qaramastan, basqarma tarapynan koronavırýs ınfektsııasynyń ekinshi tolqynyna daıyndyq jospary ázirlendi.
«Qazir oblysta koronavırýs ınfektsııasynan emdeý úshin 520 ınfektsııalyq kereýet daıyndaldy. Koronavırýs ınfektsııasynyń ekinshi tolqynyna daıyndyq aıasynda oblysta 2080 ınfektsııalyq kerýet, onyń ishinde 120 reanımatsııalyq kereýetke deıin ashý múmkindigi bar. ıAǵnı, ınfektsııalyq statsıonarlar jańa modýldik aýrýhanalarda, oblystaǵy iri aýrýhanalarda, sondaı-aq barlyq aýdandyq aýrýhana men Teńiz ken ornynda ashylatyn bolady» -deıdi Ashan Baıdýálıev.
Onyń aıtýyna qaraǵanda, qazir oblysta 8 PTR-test zerthanasy jumys isteıdi. Olardaǵy testileýdiń táýliktik qýattylyǵy – 3636. Al, oblystyń 224 jasandy tynys alý apparatymen qamtylǵan medıtsınalyq mekemelerge qosymsha taǵy 14 apparattyń jetkizilýi kútilýde.
Qazir oblystyq perınataldyq ortalyqta ortalyqtandyrylǵan ottegi stantsııasy bar. Endi 7 medıtsınalyq uıymda ottegi stantsııasy ornatylyp jatyr.
«Oblysta qajetti dári-dármekterdiń, onyń ishinde koronavırýs ınfektsııasyna qarsy preparattardyń 2 aılyq qory bar. Dárihanalar jelisindegi dárilik zattardyń tómendemeıtin qoryn qamtamasyz etý úshin «Atyraý» áleýmettik-kásipkerlik korporatsııasy» AQ arqyly turaqtandyrý qoryna 684,5 mln teńgeniń asa qajetti 40 túrli dári-dármekter satyp alyndy. Al 620,1 mln teńgeniń dárilik zattary turaqtandyrý qorynyń qoımasynda saqtaýly tur. Sondaı-aq, 64,4 mln teńgeniń dárilik zattary oblystyń 164 dárihanasyna jetkizildi» -deıdi Ashan Baıdýálıev.
Sondaı-aq, óńirge demeýshilik kómekpen 251,2 mln teńgeniń dárilik zattardyń 9 ataýy boıynsha dári-dármekter jetkizilen.
Eske sala ketelik, buǵan deıin Atyraý oblysynda karantındik shekteýler ózgergen edi.
