Atyraýda 52 kósheniń joly jóndeledi

ATYRAÝ. QazAqparat – Atyraý qalasynda jol shuńqyryn jamaýǵa 41 mln teńge bólindi, dep habarlaıdy QazAqparat.

Atyraý qalasynyń ákimi Qaırat Orazbaevtyń málimetine súıensek, bıylǵy jazda 4 myń sharshy metrdi quraıtyn jol ýchaskesin jóndeý josparlanǵan.

«Jaqynda jol shuńqyryn jamaý jumysy bastaldy. Oǵan deıin tender ótkizilip, 41 mln teńgege kelisimshart jasaldy. Osy qarjyǵa maýsymnyń aıaǵyna deıin 52 kósheniń 4,5 myń sharshy metr joly jóndeledi. Keıin taǵy qarjy qarastyrylyp, jol shuńqyryn jamaý jalǵasyn tabady», - dedi Qaırat Orazbaev.

Ákimniń aıtýynsha, jóndeý jumysy Jılgorodok yqshamaýdanynda bastalǵan. Keıin Avangrad yqshamaýdanynda jalǵasqan. Qazir Sátbaev kóshesinde jol shuńqyry jóndelip jatyr.