Atyraýda 51 jastaǵy turǵyn úıiniń aýlasynda asylyp qaldy
ATYRAÝ. QazAqparat – Atyraýda 51 jastaǵy er adam ózine qol saldy, dep habarlaıdy QazAqparat.
Oblystyq polıtsııa departamentiniń baspasóz qyzmetinen málim etkendeı, qaıǵyly oqıǵa 15 maýsymda qala mańyndaǵy «Órken» shaǵyn aýdanynda bolǵan.
Óz úıiniń aýlasynda 51 jastaǵy er adam asylyp qalǵan.
«Onyń denesi jazǵy jýyný kabınasynan tabyldy. Qazir atalǵan derekke qatysty QR Qylmystyq Kodeksiniń 105-babymen (Ózin-ózi óltirýge deıin jetkizý) sotqa deıingi tergeý júrip jatyr», - dep habarlady departamenttiń baspasóz qyzmeti.
Eske sala ketelik, budan buryn Atyraýda jol apatynan 1 adam mert bolyp, ekeýi aýrýhanaǵa túskenin jazǵan bolatynbyz.
