Atyraýda 50 patsıentke arnalǵan provızorlyq statsıonar ashylady
ATYRAÝ. QazAqparat - Bul týraly búgin Atyraý oblysy əkiminiń birinshi orynbasary Nurlan Taýbaevtyń tóraǵalyǵymen medıtsınalyq mekemeler basshylarymen arada ótken jıynda belgili boldy, dep habarlaıdy Atyraý oblystyq kommýnıkatsııalar qyzmeti.
Qazir aımaqta KVI ahýaly óte kúrdeli bolyp otyr. Jıynda sol sebepti oblys basshylyǵy qosymsha ınfektsııalyq, karantındik jáne provızorlyq statsıonar ashý máselelerin qarastyryp jatqany málim boldy.
«Erekshe dabyl qaǵarlyǵy - qazirgi ýaqytta aramyzda KVI klınıkalyq belgileri bola tura, test nátıjesi teris kórsetip jatqan naýqastar kóbeıip otyr. Budan bólek, ÓJJ apparatyn alý, qosymsha zerthana ashý máseleleri de ótkir tur» dep málim etti oblys ákiminiń orynbasary Baqytgúl Hamenova.
Birinshi kezekte oblystyq aýrýhana janynan 50 oryndyq provızorlyq statsıonar ashylady. Onda KVI-ge alynǵan test nətıjesi teris kórsetkender baqylanady. Jetispeı jatqan ÓJJ apparattary demeýshiler kómegimen jýyrda alynady.
«Sonymen birge, TShO men «Kaspıan medıkal» klınıkasymen kelise otyryp, KVI-ge synama alý úshin qosymsha zerthana jumysy jasaqtalǵanyn atap ótkenimiz jón» deıdi ákimniń orynbasary.
Eske sala ketelik, búgin Atyraýda oblystyq aýrýhana, emhana basshylarymen kezdesý ótti. Oǵan oblys ákiminiń birinshi orynbasary Nurlan Taýbaev, oblys əkiminiń orynbasary Baqytgúl Hamenova, oblystyq densaýlyq saqtaý basqarmasy, aýrýhanalar men menshik medıtsınalyq mekemelerdiń basshylary qatysty.
