Atyraýda 50 myń adamǵa 42 500 teńge áleýmettik tólem taǵaıyndaldy

ATYRAÝ. QazAqparat – Atyraý oblysynda 50 065 adamǵa 42500 teńge áleýmettik tólemi taǵaıyndaldy, dep habarlaıdy QazAqparat.

Oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Álfııa Tóleǵarıevanyń málim etýinshe, 50 065 adamǵa 42 500 teńge kóleminde beriletin áleýmettik tólem taǵaıyndalǵan.

«Búgin, 13 sáýirdegi málimetke sáıkes, memlekettik áleýmettik saqtandyrý qorynan tólenetin 42 500 teńge tólemdi 33 323 adam aldy. Sondaı-aq, 8 914 mekemeniń 12 782 eńbekkerinen ótinish tústi. Búginge deıin 2650 mekemedegi 8672 adamǵa 42 500 teńgeniń áleýmettik tólemi tólendi», - deıdi ol.