Atyraýda 50-den astam adam jınalǵan otbasylyq is-shara toqtatyldy

ATYRAÝ. QazAqparat – Atyraýda 50-den astam adam jınalǵan otbasylyq is-shara toqtatyldy, dep habarlaıdy QazAqparat.

Atyraý qalalyq ákimdigi baspasóz qyzmetiniń málimetine súıensek, 12 monıtorıng toby adamdar kóp jınalatyn meıramhana men dámhanalardy kún saıyn tekseredi.

«Monıtorıng toptary sońǵy úsh kúnde 100-den astam oryndy tekserdi. Nátıjesinde «Royal Hall», «Imperator» meıramhanalary, «Café inn», «Foodline», «Ginza», «Aqqaıyń» dámhanalary, «Sky» bary, «Wine Time», «Dónerstan», «Neft street food» tamaqtaný oryndary men «BR-2» serýendeý kemesinde karantın shekteýi saqtalmaǵany anyqtaldy. Al, Almaly aýyldyq okrýginde 50-den astam adam jınalǵan otbasylyq is-shara toqtatyldy», - dep habarlady ákimdiktiń baspasóz qyzmeti.

Eske sala ketelik, budan buryn Atyraý oblysynda kópshilik is-sharalardy ótkizý toqtatylatynyn jazǵan bolatynbyz.