Atyraýda 50 ana jańa mamandyqqa ıe boldy
«Іsker ana» pılottyq óńirlik jobasy aıasynda kópbalaly, jalǵyz basty, erekshe kútimdi qajet etetin balalary bar analar men tabysy tómen otbasylardyń áıelderinen quralǵan taǵy bir top jańa kásipti ıgerý úshin qysqa merzimdi kýrstan ótti.
Bul jobany «Ǵasyr» oqý ortalyǵynyń bazasynda «Azamattyq ortalyq» júzege asyryp jatyr. «Azamattyq ortalyq» dırektorynyń orynbasary Erjan Ońǵaralıevtiń habarlaýynsha, áıelder myna mamandyqtarǵa oqyǵan: esep negizderi, shashtaraz, aspaz, kadr qyzmeti, árleýshi.
Analarǵa sertıfıkatty Atyraý oblystyq ishki saıasat basqarmasy basshysynyń orynbasary Saǵadat Ájiǵalıev tabys etti.
Jobaǵa sáıkes, «Іsker ana» 12 mamandyqty usynady: tiginshi, aspaz, manıkıýr mamany, árleýshi, shashtaraz, esepshi, massaj jasaýshy, aǵylshyn tili kýrstary, kompıýter kýrstary, is júrgizý, satýshy, áleýmettik jelilerdegi marketıng. Jobanyń maqsaty - mamandyqtary men jumystary joq áıelderdiń ózin-ózi jumyspen qamtýyna yqpal etý.
Avtor: A. Sokolov
