Atyraýda 5 sheteldik kólik ıesi «sary nómir» aldy
ATYRAÝ. QazAqparat –Atyraý oblysynda 5 sheteldik kóliktiń ıesi 18-serııaly «sary nómir» aldy, dep habarlaıdy QazAqparat.
Mamandandyrylǵan halyqqa qyzmet kórsetý ortalyǵy arqyly «sary nómir» bes sheteldik kólikke berilgen. Onyń arasynda úsh armıandyq, bir reseılik jáne belarýstik avtokólik bar. Oblystyq polıtsııa departamenti ákimshilik polıtsııa basqarmasy bastyǵynyń mindetin atqarýshy Myrzaly Óteǵalıulynyń aıtýynsha, kólikti ýaqytsha tirkeý merzimi resmı túrde aıaqtaldy.
«Statıstıkalyq málimetke sáıkes, Atyraý oblysynyń aýmaǵyna Armenııa men Reseıden 6 myńnan 8 myńǵa deıin kólik kirgizilgen» - deıdi M. Óteǵalıuly.
