Atyraýda 5 myń túp aǵash otyrǵyzylady
ATYRAÝ.QazAqparat - Atyraýda áleýmettik mekemeler aýmaǵyna 5 myń túp aǵash otyrǵyzý mindeti júkteldi, dep habarlaıdy QazAqparat tilshisi Atyraý qalalyq ákimdiktiń baspasóz qyzmetine silteme jasap.
Qala ákimi Alımuhammed Quttumuratuly kezekti apparat jınalysy kezinde TKSh bólimine áleýmettik mekemeler aýmaǵynda aǵash otyrǵyzýdy jáne kógaldandyrýdy tapsyrdy.
«Bıylǵy kúzde mektepterdiń, aýrýhanalardyń, balabaqshalardyń jáne basqa da mekemelerdiń aınalasyna 5 myń aǵash otyrǵyzylady jáne olarǵa tıisti kútim jasalady. Sondaı-aq, jańadan salynǵan nysandardyń aınalasyn da kógaldandyrý qajet», - dep tapsyrdy qala ákimi TKSh bóliminiń basshysyna.
Sonymen qatar, oblys ortalyǵynda kóshelerdi qalpyna keltirý jáne keńeıtý boıynsha jumys jasaıtyn merdiger mekemege árbir qulaǵan aǵash ornyna 5 jasyl jelekti otyrǵyzýǵa tapsyrma berildi.
«Atyraýda 15 qyrkúıekte qalany sanıtarlyq tazalaý jáne abattandyrý boıynsha eki aılyq joba bastaldy. Men qala turǵyndaryn, memlekettik jáne jekemenshik uıymdardyń basshylaryn qorshaǵan ortany tazalaýǵa, sondaı-aq oblys ortalyǵyn kógaldandyrýǵa belsene qatysýǵa shaqyramyn»,- dedi qala turǵyndaryna Alımuhammed Quttumuratuly.
