Atyraýda 5 qabatty úıden órt shyǵyp, 10 adam qutqaryldy
ATYRAÝ. QazAqparat - Atyraýdaǵy bes qabatty úı órtke oranyp, 10 adam qutqaryldy, dep habarlaıdy QazAqparat tilshisi.
Bes qabatty úıdiń tórtinshi qabatyndaǵy páterlerdiń birindegi órt saǵat 17:30-da bastaldy. Oqıǵa ornyna órt sóndirýshiler birneshe mınýttan keıin kelip, birden tórtinshi jáne besinshi qabattardaǵy turǵyndardy qutqarý jumystaryna kiristi. Óıtkeni tórtinshi qabattan bastalǵan órt joǵarǵy qabatqa kaýip tóndirgen edi.
Qutqarýshylardyń aıtýynsha, 10 adam qutqaryldy. Qutqarylǵandardyń basym bóligi kishkentaı balalar, qutqarýshylar olardy bir-biriniń qoldaryna jalǵaý arqyly qutqarýshy satysy arqyly dalaǵa shyǵardy. Qutqarylǵandardyń barlyǵy tútin ıisine ýlanǵandyqtan tez arada aýrýhanaǵa jetkizildi.
