Atyraýda 5 aıda tórt túliktiń kesirinen 59 jol-kólik oqıǵasy tirkelgen
Oblystyq polıtsııa departamenti jergilikti polıtsııa qyzmetiniń bastyǵy Erlan Bıǵambaevtyń aıtýynsha, jol-kólik oqıǵasynyń deni respýblıkalyq jolda bolǵan.
«Jyl basynan bergi 5 aıda Atyraý oblysyndaǵy tas joldarda tórt túliktiń kesirinen 59 jol-kólik oqıǵasy tirkeldi. Onyń ishinde respýblıkalyq mńyzdaǵy jol boıynda 44 derek tirkeldi. Al, oblystyq jáne aýdandyq mańyzy bar tas joldarda 15 jol-kólik oqıǵasy anyqtaldy. Úı janýarlarynyń jolǵa shyǵýymen baılanysty jol-kólik oqıǵalarynyń basym bóligi túngi mezgilde bolady. Munyń sebebi táýliktiń qarańǵy ýaqytynda júrgizýshiler alysty kórý jaryǵyn qosyp, qarsy kele jatqan avtokólik ábden jaqyndaǵansha óshirmeıdi. Al, bul júrgizýshiniń kózi shaǵylysyp, jol ústinen ótken maldy qaǵýǵa ákelip soqtyrady», -deıdi Erlan Bıǵambaev.
Onyń aıtýynsha, turǵynjar ıeligindegi maldy jaıylymǵa qaraýsyz jiberedi. Osyndaı sebeppen 160-tan astam adam QR Ákimshilik quqyq buzýshylyq týraly kodeksiniń 408-babynyń 1-bóligimen ákimshilik jaýapkershilikke tartylǵan.
«Turǵyndarǵa ıeligindegi maldyń moınyna jaryq shaǵylystyratyn arnaıy elementterdi taǵýy qajettigin eskertemiz. Bul jol boıynda jol-kólik oqıǵalarynyń aldyn alýǵa sebep bolar edi. Al, kólik júrgizýshilerine qala syrtyndaǵy tas joldarda belgilengen jyldamdyqty shekten tys asyrmaýy, eldi mekender tusynan ótkende barynsha abaı bolǵany jón», -dep málim etti Erlan Bıǵambaev.
Eske sala ketelik, budan buryn Atyraýda jol apatynan https://kaz.inform.kz/news/atyrauda-zhol-apatynan-4-adam-koz-zhumdy_a4080215 4 adam, keıin bir otbasy músheleri túgeldeı kóz jumǵanyn habarlaǵan edik.
