Atyraýda 5 adam bótenniń kóligin aıdap áketken
ATYRAÝ. QazAqparat – Atyraýda 5 adam bótenniń kóligin aıdap áketken, dep habarlaıdy QazAqparat.
Oblystyq Polıtsııa departamenti baspasóz qyzmetiniń aqparatyna súıensek, 8-10 maýsymda «Aıdap áketý» is-sharasy ótken.
«Atyraý oblysy aýmaǵynda avtokólikter urlyǵy men aıdap áketýge qatysy bar adamdardy anyqtaý, ustaý jáne qylmystyq jaýapkershilikke tartý maqsatynda «Aıdap áketý» jedel-profılaktıkalyq is-sharasy ótkizildi. Іs-shara kezinde jedel-tergeý toptary qurylyp, kúdikti adamdardy anyqtaý, ustaý úshin jedel-izdestirý, arnaıy tergeý júrgizildi. Nátıjesinde polıtseıler 5 aıdap áketý deregin anyqtady. Olarǵa qatysy bar 5 adam qylmystyq jaýapkershilikke tartyldy», -dep habarlady departamenttiń baspasóz qyzmeti.
Sondaı-aq, 146 tehnıkalyq qyzmet kórsetý stansasy, jeke avtosheberhanalar, garaj
kooperatıvteri, avtoturaqtar, avtokólikterdi bólshekteý, avtobólshekterdi satý oryndary
tekserilgen.
Eske sala ketelik, budan buryn Atyraý oblysynda páter tonaǵan 8 kúdikti ustalǵan bolatyn.
