Atyraýda 5-6 shildede jeke kólikpen júrýge tyıym salyndy
ATYRAÝ. QazAqparat –Atyraý qalasy men oblys aýmaǵynda 5-6 shildede jeke kólikpen júrýge tyıym salyndy, dep habarlaıdy QazAqparat.
Bul týraly búgin óńirlik jedel shtab aqparat taratty.
«Atyraý oblysynyń bas memlekettik sanıtarlyq dárigeriniń qaýlysyna sáıkes, 5 jáne 6 shilde aralyǵynda Atyraý qalasynda jáne oblysynda jeke kólikpen júrýge qatań tyıym salynady. Kólik qozǵalysyna ár senbi, jeksenbi kúnderi qoıylatyn shekteý sharalary 2020 jyldyń 19 shildesine deıin jalǵasady» -dep habarlady óńirlik jedel shtabtan.
Eske sala ketelik, buǵan deıin Atyraýda 5 shildeden bastap avtobýs júrmeıtinin habarlaǵan bolatynbyz.
