Atyraýda 45 jastaǵy áıeldi tonaǵan jigit ustaldy
ATYRAÝ. QazAqparat – Atyraýda 45 jastaǵy áıelge kúsh kórsetip, qolyndaǵy sómkesin tartyp alyp ketken jigit ustaldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, 26 jastaǵy jigit tartyp alǵan sómkede 60 myń teńge bolǵan.
«Jábirlenýshi áıel men kúdikti jigit «Vokzal mańy» shaǵyn aýdanynan birigip taksı jaldaǵan. Ekeýi bir taksımen «Nursaıa» shaǵyn aýdanyna kelgen. Kólikten túsken soń kúdikti 45 jastaǵy áıeldiń sómkesin tartyp alyp, telefonyn syndyrǵan. Sómkeniń ishinde 60 myń teńge bolǵany anyqtaldy. Meıramhanalardyń biriniń kamerasynan kúdikti áıeldi jerge jyǵyp, sómkesin tartyp sáti túsip qalǵan», -dep habarlady departamenttiń baspasóz qyzmeti.
26 jastaǵy kúdikti jigit ustaldy. Qazir atalǵan derekke qatysty QR Qylmystyq Kodeksiniń 191-babynyń 2-bóligi, 1-tarmaǵymen sotqa deıingi tergeý júrgip jatyr.
Eske sala ketelik, buǵan deıin Atyraýda 71 jastaǵy zeınetkerdi tonaǵan kúdikti qamaýǵa
alynǵan bolatyn.
