Atyraýda 42 myńnan astam jańa jumys orny ashylady
Bul týraly Atyraý oblysynyń ákimi Mahambet Dosmuhambetov óńirdegi etno-mádenı birlestikterdiń ókilderi qatysqan jıynda málim etti.
Oblys ákimi Mahambet Dosmuhambetov Memleket basshysy Qasym-Jomart Toqaevtyń tóraǵalyǵymen 22 sáýirde óńirdiń áleýmettik-ekonomıkalyq damý máseleleri qaralǵan keńeste jeti baǵyttan turatyn naqty mindetter júktelgenin atap ótti. Oblysty damytýdyń 2021-2025 jyldarǵa arnalǵan keshendi josparyn qabyldaýdy tapsyrǵanyn jetkizdi.
«Jospar aıasynda oblysqa aldaǵy 5 jylda shamamen 9,5 trln teńge, onyń ishinde 8 trln 600 mlrd teńgeden astam jeke ınvestıtsııa tartý qarastyrylyp otyr. Sonyń nátıjesinde 42 myńnan astam jańa jumys ornyn qurý kózdelgen. Keshendi jospardy iske asyrý Atyraý oblysynyń damýyna qýatty serpin berip, turǵyndardy tolǵandyratyn máselelerdi sheshýge múmkindik beredi»,- dedi Mahambet Dosmúhambetov.
Sonymen qatar, aımaq basshysy etno-mádenı birlestikter ókilderie 1 mamyr – Qazaqstan halqynyń birligi kúnimen quttyqtady.
«Táýelsizdik jyldaryndaǵy syndarly saıasattyń nátıjesinde Qazaqstanda 130-dan astam ult tatý-tátti ómir súrýde. Elimiz 1 mamyrda bereke men birlikti, beıbitshilik pen yntymaqty merekeleýdi dástúrge aınaldyrdy. Elimizdiń birligi nyǵaıa bersin»,- dedi oblys ákimi.
