Atyraýda 41 jastaǵy er adam joǵalyp ketti

ATYRAÝ. QazAqparat – Atyraý qalasynyń 41 jastaǵy turǵyny joǵalyp ketti, dep habarlaıdy QazAqparat.

Bul týraly oblystyq tótenshe jaǵdaılar departamentine búgin, 6 shilde saǵat 12:15-te joǵalǵan azamattyń áıeli habarlaǵan.

«Atyraý qalasynyń «Bereke» yqshamaýdanynda turatyn A.Dúısembıev degen azamattyń joǵalyp ketkeni týraly áıelinen habar tústi. Onyń 1979 jyly týǵan kúıeýi 1 shilde saǵat 22:35-te úıinen belgisiz baǵytqa shyǵyp ketken. Sodan beri úıine oralmaǵan» dep habarlady departamenttiń baspasóz qyzmeti.

Qazir joǵalǵan azamatty jedel-qutqarý jasaǵynyń 10 qyzmetkeri izdestirip jatyr. Іzdeý jumystaryna 2 tehnıka, 1 kınolog jumyldyrylǵan.

Eske sala ketelik, buǵan deıin Atyraýda eki adam Saǵyz ózenine batyp ketken edi.