Atyraýda 4 júrgizýshi kóligimen muz ústinde júrgen
ATYRAÝ. QazAqparat –Atyraýda Jaıyq ózeninde qatqan muz ústinde kóligimen júrgen tórt júrgizýshi ustaldy, dep habarlaıdy QazAqparat.
Atyraý qalalyq Polıtsııa basqarmasy jedel basqarý ortalyǵynyń beınekamera
ınspektorlary qaýipsizdik sharalarynyń saqtalýyn da qadaǵalap otyrady. Maqsat
–Jaıyq ózeniniń ústinde bolýy múmkin oqys oqıǵanyń aldyn alý.
«Jyl basynan beri Jaıyq ózenindegi muz ústimen avtokólikti júrgizgen 4 júrgizýshi
anyqtaldy. Sondaı júrgizýshiniń biri 10 qańtarda saǵat 15:40 shamasynda Jumysker eldi
mekenindegi kópirdiń tusynda ustaldy. 36 jastaǵy júrgizýshi «Lada Granta» markaly
avtokóligimen muz ústimen júrgen», -dep habarlady oblystyq polıtsııa departamentiniń
baspasóz qyzmeti.
Patrýldik polıtsııa qyzmetkerleri 4 júrgizýshige QR Ákimshilik quqyqbuzýshylyq buzý
týraly Kodeksiniń 620-babymen (jol júrisine qatysýshylarǵa qoıylatyn ózge de
talaptardy buzǵany úshin) ákimshilik hattama toltyryp, eskertý berdi.
Eske sala ketelik, buǵan deıin Atyraýda júk tıegish kólik kanalǵa túsip ketken bolatyn.
