Atyraýda 4 statsıonarlyq polıtsııa beketteri salynady
ATYRAÝ. QazAqparat - Atyraý qalasyna kire beristerge 4 statsıonarlyq polıtsııa beketteri salynady. Jańa shara polıtseılerge keleńsiz jaǵdaılardyń týyndaǵanda meılinshe jedel áreket etýge múmkindik beredi, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
«Atyraý qalasyna kire beristerde barlyǵy 4 beket salynatyn bolady, olar Astrahan, Oral, Qulsary jáne Inder jaqtarynan kiretin joldarda bolmaq. Bul polıtseılerge qandaı da bir shtattan tys jaǵdaılar týyndaǵan kezde meılinshe jedel áreket etýge, sondaı-aq qalaǵa kiretin jáne shyǵatyn barlyq avtokólikter týraly derekterdi bilýge múmkindik beredi», - dedi Atyraý oblystyq ІІD baspasóz qyzmetinde.
Ádette, qylmystardyń negizgi bóligi kóbine demalys kúnderi Atyraýǵa jeńil tabys tabýǵa basqa oblystardan keletin «gastrolerlermen» jasalady. Sondaı-aq avtomobıl aǵynyn múltiksiz baqylaý úshin balyq aýlaý maýsymy kezinde beketterdiń róli erekshe mańyzdy, bul brakonerlikpen kúreske aıtarlyqtaı úles qosady.
Beketter barlyq avtokólikterdi esepke alýdy avtomatty rejimde júrgizetin derekter bazasy bar beınekameralarmen jabdyqtalatyn bolady.
Atyraý oblysy qurylys basqarmasynyń aqparaty boıynsha, ǵımarattar qurylysyn aǵymdaǵy jylǵy qyrkúıekte aıaqtaý josparlanýda. Jańa beketter Atyraý-Oral, Atyraý-Inder, Atyraý-Aqtaý jáne Kotıaevka-Rýbej avtojoldarynda ornatylatyn bolady.
Esterińizge salsaq, buǵan deıin 2016 jyly óńir basshysy Nurlan Noǵaev Inder aýdanyna jumys sapary kezinde qaladan shyǵatyn jerlerde polıtsııa beketteriniń qurylysyn salý tujyrymdamasyn ázirleýge tapsyrma bergen bolatyn. Oblys ákimi mundaı sharanyń kólik aǵynyn baqylaýdy kúsheıtýge múmkindik beretinin, júrgizýshilerdi tártipke salatynyn jáne jol qozǵalysynyń qaýipsizdigine qolaıly áserin tıgizetinin basa aıtty.
