Atyraýda 4-shi qabattan qulaǵan bala tiri qaldy
ATYRAÝ. QazAqparat - Atyraýda bes jasar bala 4-shi qabattan qulap ketken, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna qaraǵanda, jyl basynan beri Atyraýda kóp qabatty turǵyn úılerdiń terezesinen 10-ǵa jýyq balanyń qulap ketýi tirkelgen.
«Terezeniń ashyq qalýynan 2-7 jas aralyǵyndaǵy balalar jıi qulaıdy. Óıtkeni, olar terezeniń aldynda oınaý qaýipti ekenin eskermeıdi. Al, ata-analar osyndaı jastaǵy balalardy qaraýsyz qaldyrady. Máselen, 27 naýryzda bes jasar bala 4-shi qabattaǵy páter terezesinen qulap ketken. Ony ata-anasy terezesi ashyq turǵan bólmede jalǵyz qaldyrǵan» - dep habarlady departamenttiń baspasóz qyzmetinen.
Qazir jaraqat alǵan bala oblystyq balalar aýrýhanasynda emdelip jatyr.
