Atyraýda 4 myńnan astam jaıaý júrginshi jazalandy
ATYRAÝ. QazAqparat – Atyraýda joldyń belgilenbegen tusynan ótken 4 myńnan astam jaıaý júrginshi ákimshilik jaýapqa tartyldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, Atyraý qalasynda jyl basynan beri jaıaý júrginshilerge arnalǵan ótkelin kóre tura odan tys jerden ótken 4000-ǵa jýyq adam anyqtalǵan.
«Jolda júrý erejesin buzǵan jaıaý júrginshilerge QR Ákimshilik quqyqbuzýshylyq týraly Kodeksiniń 615-babymen (Jaıaý júrginshilerge arnalǵan ótkelin kóre tura tys jerden ótkeni úshin) ákimshilik hattama toltyrylyp, árqaısysyna 5 834 teńge aıyppul
salyndy. Al jaıaý júrginshilerge jol bermegen 731 kólik júrgizýshiniń árqaısysy atalǵan kodekstiń 600-babymen (Jaıaý jýrginshilerge arnalǵan ótkelinen jaıaý júrginshilerge jol
bermeý) 29 170 teńge kóleminde aıyppul tóledi. Jyl basynan beri jol boıynda jaıaý júrginshiniń saldarynan 33 jol-kólik oqıǵasy boldy. 3 adam qaza taýyp, 30 adam ár túrli dene jaraqatyn aldy», -deıdi oblystyq polıtsııa departamentiniń bastyǵy, polıtsııa polkovnıgi Qamza Úmbetqalıev.
Onyń málimetinshe, 10 adam joldy jaıaý júrginshilerge arnalmaǵan jerden ótken kezde jaraqta alǵan.
Eske sala ketelik, buǵan deıin Atyraýda avtobýs qaqqan jaıaý júrginshi kóz jumǵandyǵyn habarlaǵan bolatynbyz.
