Atyraýda 4 myńǵa jýyq bala koronavırýsqa shaldyqqan

ATYRAÝ. QazAqparat – Atyraýda byltyrdan beri 4 myńǵa jýyq bala koronavırýsqa shaldyqqan, dep habarlaıdy QazAqparat.

Atyraý oblystyq sanıtarlyq-epıdemıologııalyq baqylaý departamentiniń bólim basshysy Aısulý Dosqalıevanyń málimetinshe, bul – byltyrǵy 28 naýryz ben bıylǵy 17 tamyzǵa deıingi aralyqta tirkelgen derek.

«Oblysta 14 jasqa deıingi balalar arasynda koronavırýs ınfektsııasyn juqtyrýdyń 3839 jaǵdaıy, jasóspirimder arasynda 1242 jaǵdaıy tirkelip otyr. Qazir qaýipti vırýstyń taralýyna baılanysty eń joǵary kórsetkish Atyraý qalasy men Jylyoı aýdanynda, sondaı-aq, Teńiz ken ornynda baıqaldy. Ótken aptamen salystyrǵanda oblysta koronavırýsqa shaldyǵý kórsetkishi 1,1 esege artty» -deıdi Aısulý Dosqalıeva.

Eske sala ketelik, buǵan deıin Teńiz ken ornynda koronavırýs juqtyrǵandar sany kúrt artqanyn jazǵan edik.