Atyraýda 4 kúnde 616 ákimshilik quqyq buzýshylyq anyqtaldy
ATYRAÝ. QazAqparat – Atyraýda polıtsııa qyzmetkerleri 4 kúnde 616 ákimshilik quqyq buzýshylyqty anyqtady, dep habarlaıdy QazAqparat.
Oblystyq polıtsııa departamentiniń baspasóz qyzmetiniń málimetinshe, kóligine ksenon, led shamyn taqqan 57 júrgizýshi, qaýipsizdik beldigin taqpaǵan – 47, kólik júrgizý quqyǵynan aıyrylǵan kúıinde rýlge otyrǵan – 4, aıyppulyn tólemegen – 15, mas kúıinde kólik júrgizgen 11 júrgizýshi jaýapkershilikke tartylǵan.
«Máselen, «Mersedes-Benz 320» avtokóligin basqarǵan 27 jastaǵy júrgizýshiniń kólik júrgizý quqyǵynan aıyrylǵany anyqtaldy. Oǵan qatysty QR Ákimshilik quqyqıýuzýshylyq týraly Kodeksiniń 612-babynyń 3-bólimimen (júrgizýshi quqyǵynan aıyrylǵan kúıinde kólik basqarǵany úshin) ákimshilik hattama toltyrylyp, sot sheshimimen 145 850 tenge kóleminde aıyppul salyndy. Al, «Toyota Land Cruiser» avtokóligin tekserý kezinde 44 jastaǵy júrgizýshisiniń alkogoldik ishimdik ishkeni belgili boldy. Sot sheshimimen mas júrgizýshi 15 táýlikke qamaýǵa alynyp, 7 jyl merzimge kólik júrgizý quqyǵynan aıyryldy» -dep habarlady departamenttiń baspasóz qyzmeti.
Sondaı-aq, QR Ákimshilik quqyqbuzýshylyq týraly Kodeksiniń 785-babyna sáıkes, ıeleri aıyppulyn tólemegen 15 avtokólik arnaýly turaqqa qoıylǵan. Onyń ishinde Reseı Federatsııasynda tirkelgen 13, Armenııa Respýblıkasynan ákelingen 2 avtokólik bar. Máselen, «Kia Optima» avtokóligi júrgizýshisiniń 830 myń teńgeni quraıtyn 53 aıyppuly bary anyqtalǵan.
Eske sala ketelik, buǵan deıin Atyraýda 16 jasar bozbala gómiri jasyrylǵan kólikti júrgizgenin habarlap edik.
