Atyraýda 4 kún buryn joǵalǵan azamatty izdeýge tikushaq jumyldyryldy
ATYRAÝ. QazAqparat – Atyraýda iz-túzsiz joǵalǵan 30 jastaǵy jigitti izdestirýge tikushaq jumyldyryldy, dep habarlaıdy QazAqparat.
1991 jyly týǵan Naýryz Áıtekeshov 5 aqpanda joǵalǵan bolatyn. Ony bir úıde turatyn turǵyndar óz betimen izdep-tabýǵa tyrysqan. 6 aqpan kúni keshke izdestirý jumystaryna Tótenshe jaǵdaılar departamentinen 16 qyzmetker, 7 tehnıka, 2 kınologııalyq esep, oblystyq Polıtsııa departamentinen 10 qyzmetker men 3 tehnıka jumyldyryldy.
«Joǵalǵan jigitti izdeýge 7 aqpanda «Qyzyl jarty aı» qoǵamdyq birlestiginiń oblystyq fılıalynan 20-ǵa jýyq volonter qosyldy. Keıin 10-nan astam erikti turǵyndar da izdestirýge qol ushyn sozdy. Tótenshe jaǵdaılar departamenti arnaıy tehnıka bóldi. Tikushaq ta tartyldy. Qaıyrshaqty aýyldyq okrýginiń aýmaǵyndaǵy Jaıyq ózeniniń jaǵalaýy, jaqyn mańdaǵy eldi mekenderdegi kósheler men aýlalar tekserildi. Joǵalǵan jigittiń otbasy buryn turǵan Qarabatan eldi mekenine bardyq. Atyraýdaǵy «Nasıha» saýda ortalyǵy ornalasqan aýmaqta da barlaý júrgizildi», - dep habarlady «Qyzyl jarty aı» qoǵamdyq birlestigi oblystyq fılıalynyń jetekshisi Ásııa Quljanova.
Qazir joǵalǵan jigitti izdeý jalǵasyp jatyr.
